HARAGIRIMANA Dieudonne
Abaririmbyi bagize itsinda rya Charly na Nina rikunzwe mu buryo bukomeye muri iyi minsi basezeye mu irushanwa rya Primus Guma Guma Super Star 7.
Mu ibaruwa ubuyobozi bwa Decent Entertainemnt ari nayo ireberera abo bahanzi bwandikiye EAP itegura amarushanwa ya Guma Guma, bwagaragaje ko ku matariki iryo rushanwa rizaberaho, hari ibindi bikorwa by’umuziki bazaba barimo. Bwashimiye ababatoranyije kujya muri iryo rushanwa, ariko buvuga ko iyo mishinga bazaba barimo yari yaramaze gupangwa mbere.
Ibaruwa ubuyobozi bwa Decent Entertainment bwandikiye EAP itegura Guma Guma. Mu kiganiro yagiranye n’Ikinyamakuru yegob Joseph Mushyoma (uzwi cyane ku izina rya Boubu) yemeje ko uwagize amajwi akurikiraho mu cyiciro cy’abagore ari we ugomba guhita asimbura Charly na Nina, akiyongera ku rutonde rw’abahanzi Bull Dogg, Danny Nanone, Christopher, Social Mula, Davis D, Mico The Best, Dream Boys, Active na Oda Paccy.
