HARAGIRIMANA Dieudonne
KNC yatangaje ko arimo gutegura urwuri rwo kororeramo abakinnyi be yameza izina rishya yahaye abakinnyi 5 bashya yagereranyije n’amatungo yo mu rugo
Kakooze Nkuriza Charles uzwi nka KNC uyobora ikipe ya Gasogi United, yashyize ahagaragara izina rishya yahaye abakinnyi agiye kugura yagereranyije n’amatungo yo mu rugo.
Uyu muyobozi yatangaje ko ibyo muri Gasogi United bikomeje gukorwa mu buryo bw’ibanga kugirango bazatungure abakunzi benshi b’iyi kipe ye ndetse n’abakunzi b’umupira w’amaguru hano mu Rwanda baba bategereje amazina akomeye amakipe menshi akomeye aba yaguze.
Mu kiganiro KNC akora buri munsi kuri Radio one yatangaje ko kugeza ubu Gasogi United ikomeje gutegura urwuri rwo kororeramo abakinnyi be yagereranyije n’amatungo yo mu rugo. Uyu muyobozi yaje gutangaza ko barimo gushaka INGWEBA. Iri ni izina rishya yahaye abakinnyi bashya b’abanyampahanga azakoresha umwaka utaha kugirango yerekane ubukaka n’ubushongore bafite.
KNC aravuga ko ikipe ya Gasogi United umwaka utaha izaba ifite abakinnyi bakomeye kandi bose bazaba babanza mu kibuga, bivuze ko ari abakinnyi bakomeye ndetse bazaba banakinira ikipe zaba z’ibihugu.
Umwaka utaha w’imikino uzatangira tariki 12 Kanama 2023, hazaba hakinwa umukino wa Super Cup uzahuza ikipe ya Rayon Sports yatwaye igikombe cy’amahoro ndetse na APR FC yatwaye igikombe cya Shampiyona sezo 2022/2023.
