KNC wahisemo gufasha Iranzi Cedric wimwe amahirwe yo kujya mu irerero rya Bayern Munich, nyuma y’uko RIB ibijemo byatumye KNC ahita afata undi mwanzuro wihuse

Iranzi Cedric wavuze ko yimwe amahirwe yo kujya mu irerero rya Bayern Munich mu Rwanda, KNC yahise amufata amujyana mu ikipe y’abato ya Gasogi United anamwishyurira ishuri.

KNC akimara kumukorera ibi, RIB yatangaje ko mu guhitamo aba bana, habayemo amanyanga bahindura imyaka yabo, habamo ruswa ndetse inatangaza ko hari abamaze gutabwa muri yombi.

Mu kiganiro Rirarashe kuri Radio na TV1, KNC yavuze ko kubyo kuba imyaka y’aba bana yarahinduwe, ngo hari abakinnyi benshi cyane mu Rwanda babeshya imyaka kandi ko Cedric atabigizemo uruhare.

Yakomeje avuga ko azakomeza gufasha Iranzi Cedric, ndetse kandi nyuma y’ibyo byose byavuzwe, KNC yasabye ikigo cya APAER ko ubu nta wundi muntu wemerewe gusura uyu mwana atamuhaye uburenganzira.

Uyu mwanzuro KNC yawufashe ngo kuko adashaka ko hari uwakwangiriza mumutwe wa Cedric, yongeyeho ko yagiye kumufasha amufiteho amakuru yuzuye.