Moïse Habanabashaka
Kina Music ya Clement na Knowless iyo uyigeze mo uba wemeye kugendera munsi y’ibirenge byabo: impamvu zirenga imwe zerekana ko abahanzi bakorera muri Kina Music nta buhumekero bahabwa n’uwitwa Sebuja ahubwo bakora ibyo bategetswe
Kuri ubu inzu ifasha abahanzi izwi nka Kina Music ari n’ayo ibarizwa mo Nel Ngabo ndetse na Igor Mabano byakomeje kugaragara ko abahanzi bayibarizwa mo nta bwinyagamburiro baba bafite kuko byakugora kubabona bisanishije n’abandi.
Igor Mabano na Nel Ngabo abahanzi bazamukiye muri Label ya Kina Music kuri ubu iyobowe na Ishimwe Clement akaba umugabo wa Butera Knowless.
N’ubwo aba bazamukiye muri iyi Label ariko byaje kugaragara ko buri muhanzi wese ukorera muri Kina Music aba agendera munsi y’ibirenge bya nyira yo ari we Clement ndetse afatanyije n’umugore we Butera Knowless.
Iki cyuho cyo kuzirikirwa muri Kina Music kiragaragara kuko kwisanisha n’abari kuzamuka muri uru ruganda rwa muzika byarabananiye kuko ikivuzwe nicyo gikorwa ndetse Clement ntaba ashaka ko hari undi mu producer wakorera umwe muri aba bahanzi babarizwa muri Kina Music indirimbo kuko we aba ashaka kuba ari we ubakorera gusa , ibituma aba bose bahera ku rwego rumwe kuko nta bundi bumenyi bakuye ku ruhande.
Ibi nibyo byatumye abari mo Christopher ndetse n’abandi barafashe iyambere bakagenda bakisanisha n’umuziki ugezweho ndetse ukabona ko byatanze umusaruro.
Ibi byose byose bigaragara utagiye kure kuko urebye uburyo bakora mo ni bumwe neza neza nk’ubwa Butera Knowless nawe byagorana kubona hari undi muntu yiyambaje ngo amukorera indirimbo atari umugabo we.
