Kimisagara: umugore baramugonze ameneka umutwe.

Mu gitondo cyo kuri uyu wa Gatandatu, mu masaha ya saa 8:00 mu murenge wa Kimisagara hafi ya sitasiyo n’isoko rya Kimisagara, imodoka yagonze moto yari ihetse umugore maze we n’umumatari barakomereka cyane bikomeye aho bivugwa ko uyu mugore yaviriye mu mutwe.

Nk’uko byatangajwe kuri shene imwe ya Youtube, abaturage bari bashungereye bifashe ku matama kubera impanuka zidasiba kuba muri uyu muhanda wa kimisagara.

Abaturage bavuze ko iyi mpanuka yatewe n’imodoka yagonze umumotari wari uhetse uyu mudamu wari uvuye kurangura imyenda maze agakomeraka umutwe cyane.Kuri ubu aba bagonzwe bahise bajyanwa mu bitaro bya Kabusunzu aho bagiye gukorerwa ibisabwa kugirango boherezwe mu bitaro bikuru bya Nyarugenge.