Kigali; umugabo yari yishwe n’abaturage nyuma yo kurogesha Super glue mugenzi we

Bamwe mu baturage bakorera ahazwi nko kwa Mutangana mu Murenge wa Muhima mu Karere ka Nyarugenge, bagerageje gukubita umugabo witwa Fils basa nk’abashaka kwihanira bamushinja ko yashyize ‘Super Glue’ mu nzoga ya mugenzi we witwa Ngirente Ildephonse barimo gusangira agapfa.

Inzego z’umutekano zikorera mu Murenge wa Muhima zahise zihagoboka ziramutabara nkuko Igihe kibitangaza.

Ibi byabaye ahagana saa Yine za mu gitondo ku wa Kane, tariki ya 12 Mutarama 2023, hafi y’Isoko ryo kwa Mutangana.

Uyu Fils ashinjwa kuroga mugenzi we usanzwe utwara imodoka zipakira imizigo ahitwa kwa Mutangana, atuye mu Murenge wa Kigali mu Karere ka Nyarugenge mu gihe nyakwigendera yari atuye mu Murenge wa Kanyinya.