Moïse Habanabashaka
Kigali: Umugabo yafatanye umugore we udukingirizo barwana umuhenerezo.
Umugabo utuye mu Kagari k’Akabahizi mu Murenge wa Gitega, Akarere ka Nyarugenge, yasanze udukingirizo tubiri mu isakoshi y’umugore we atangira kumuhodangura ariko ku bw’amahirwe abaturanyi barahagoboka, barabakiza.
Uyu mugabo yaguye kuri utu dukingirizo twari mu isakoshi y’umugore we ahagana saa Munani n’Igice zo kuri uyu wa Kane, tariki ya 15 Ukuboza 2022.
Umugabo wavuzweho gukubita umugore we yavuze ko bapfuye ko nyuma y’uko afashe utwo dukingirizo yari abonye mu isakoshi ye yahise atumushikuza avuza induru kugira ngo asibanganye ibimenyetso ntagire abandi babona ibyo amufatanye.
