Kigali: Hagaragaye umurambo wari umanitse mu giti w’umukobwa uri mu kigero k’imyaka 20 uteza urujijo mu baturage

Mu karere ka Kicukiro mu murenge wa Nyarugunga haravugwa inkuru y’umurambo w’umukobwa uri mu kigero k’imyaka 20 wasanzwe umanitse mu giti.

Abaturage batuye mu Kagari ka Rwimbogo aho ibyo byabereye batunguwe no kubona uyu murambo umanitse mu giti kiri mu marembo y’ishuri rya Nyandungu maze bayoberwa aho uwo nyakwigendera akomoka.

Ababonye uwo murambo baganiye ya BTN Tv dukesha iyi nkuru bavuze ko batewe urujijo n’uwo murambo ku buryo batabashije kumenya niba yiyahuye cyangwase yishwe maze akaza kumanikwa muri icyo giti.

Abaturage bose barebye uwo nyakwigendera bayobewe uwo ariwe, gusa RIB yaje kumanura uwo murambo maze bajya kuwusuzuma nyuma biza kumenyekana ko avuka mu karere ka Nyamasheke.