Kigali; habaye impanuka ikomeye ihitanye ubuzima bw’abantu

Mu ijoro ryo kuri iki cyumweru, ku muhanda uva ahazwi nko kwa Rwahama ugana ku Mushumba mwiza mu murenge wa Remera, mu Karere ka Gasabo, habaye  impanuka y’imodoka yo mu bwoko bwa Fuso ifite pulaki ya RAE 539, babiri bahita bitaba Imana abandi bane barakomereka.

Umuvugizi wa Polisi ishami rishizwe umutekano wo mu muhanda, SSP René Irere,
avuga ko iyi mapanuka yatewe n’uko imodoka ya Fuso yabuze feri ikagonga umumotari wari uhetse umugenzi, bombi bagahita bitaba Imana, umushoferi wa Fuso arakomeraka bikomeye, naho abo bari kumwe 3 bakomereka byoroheje.

SSP Irere ati “Imodoka ya Fuso yari itwawe n’uwitwa Rwabizi Gad w’imyaka 26, yagonze mu rubavu imodoka yo mu bwoko bwa coaster RAB 623M yari
itwawe na Tuyisenge Théogène w’imyaka 37, irakomeza igonga moto TVS RB910
itwawe na Uwizeye Eliezer w’imyaka 41 wahise apfa, uhetse umuntu
utaramenyekana umwirondoro we na we wahise apfa.