Kigali; Abajura bitwaje intwaro batemaguye abasore mu ijoro rya Bonane

Ahagana i saa saba z’urukerera abagizi banabi batemaguye abasore babiri bari mu kazi kabo k’ijoro ko gucunga umutekano w’ibintu.

Ibi byabereye mu Murenge wa Nyarugunga mu mudugudu wa Kibaya ho mu Karere ka Kicukiro aho abaturage bo muri ako gace bumvishe induru z’abasore babiri bari gutabaza ni uko baza gutabara.

Abaganiriye n’itangazamakuru bemeje ayo makuru aho ngo bumvishe induru z’abasore ni uko barabyuka basanga abasore babiri batemaguwe amaboko umwe yatemwe icyiganza no ku nkokora.

Umunyamabanga Nshingwabikorwa w’Umurenge wa Nyarugunga, UWAMAHORO Genevieve yemeje aya makuru aho yavuze ko ari abajura bateye ahubakwaga inzu ndetse habitse n’ibiooresho aho basanzeyo abo basore babiri batemaguwe.

Abatemaguwe bajyanywe kwa muganga mu gihe abakoze ayo mabi bakiri gushakishwa ngo baryozwe ibyo bakoze.