M.Ben
Kicukiro, Imodoka yari itwawe n’umugabo wari uri kwitamo ka manyinya n’agatabi, yagonze umumotari wari utashye ni uko maze umushoferi wari uyitwaye ahita akora igikorwa cyateye benshi kumwibazaho.
Mu ijoro ryakeye ahagana saa moya z’ijoro, imodoka yo mu bwoko bwa Toyota yagonze umumotari wari uri gutaha.
Ibi byabereye mu karere ka Kicukiro ahazwi nk’i Gahanga mu muhanda ujya i Bugesera.
Abayibonye babwiye BTN ko uwari utwaye iyo modoka yaje yiruka ni uko maze akasa uwo mumotari waje gukomereka ku ishinya ndetse akavunika n’akaguru.
Akimara kugonga uyu mumotari, uyu mushoferi yahise ayabangira ingata ibintu byatumye abari aho bavuga ko nta byangombwa yari afite.
Mu modoka yakoze impanuka, hasanzwe amoko y’inzoga atandukanye ndetse n’ipaki y’itabi, aho ndetse n’abamubonye yiruka bahamirije BTN ko yirutse acigatiye igicupa cy’inzoga.
