Keza Terisky bikekwa ko atwite inda ya The Trainer bakanyujijeho yamwibasiye amwibutsa ko yibagiwe inshingano ze nk’umugabo

Keza Terisky bikekwa ko atwite inda ya The Trainer bakanyujijeho yamwibasiye amwibutsa ko yibagiwe inshingano ze nk’umugabo.

umunyamideli Keza Terisky wamamaye cyane ku mbuga nkoranyambaga, aherutse gusangiza abakunzi be amafoto akuriwe ubona ko yiteguye kwibaruka imfura ye.

Gusa n’ubwo yasangije abantu aya mafoto, ntiyigeze agaragaza cyangwa ngo asangize abantu Se w’uyu mwana yiteguye kwibaruka cyane ko agaragaza ko amwishimiye cyane.

Mu magambo yateye abantu kumva ko yababajwe n’ibyo The Trainer yamukoreye, Keza yavuze ko umugabo wese yabyara ariko umugabo nyawe ariwe warera (Yakoresheje amagambo akakaye).

Yagize ati: ”Umugabo wese yakwibaruka, ariko umugabo nyawe niwe wabasha kurera uwo yibarutse.”

Uku gutwita kwa Keza kuje gukurikira inkuru y’urukundo rwe na The Trainer rwaje kugera ku ndunduro bagatandukana. Ni nyuma y’uko muri Mata uyu mwaka bari batangiye urugendo ruganisha ku kubana.