Kera kabaye ya ndirimbo Bruce Melody yakoranye na Harmonize igiye gusohoka bidatinze (Videwo)

Umuhanzi ukomeye hano mu Rwanda, Itahiwacu Bruce wamamaye kuri Bruce Melody yateguje abafana be indirimbo nshya yakoranye n’umunya-Tanzania Harmonize, wamenyekanye mu ndirimbo zigiye zitandukanye muri icyo gihugu.

Mu rukerera rwo kuri uyu wa kane tariki ya 3 Werurwe 2022, nibwo Bruce Melody abinyujije ku rukuta rwe rwa Instagram yateguje abafana be iyo ndirimbo. Bruce Melody wari wagize isabukuru, akaza gutungurwa n’inshuti ze na we yaje kuzitungura.

Ku mugoroba wo ku wa kabiri nibwo Bruce Melodie yatunguwe n’ibyamamare bitandukanye birimo Eddy kenzo na Madebeats hamwe na team ye. Bruce Melodie yizihije isabukuru ye ubwo yari kumwe n’inshuti ze za hafi ndetse n’umuhanzi Eddy kenzo umaze iminsi mu Rwanda.

Kubera ibintu Bruce Melody yakorewe ku isabukuru ye, byatumye ashimira inshuti ze mu buryo budasanzwe aho yazishimiya n’abafana be bakabyungukiramo. Bruce Melody yashimiye inshuti ze abatura agace gato k’indirimbo”Totally Crazy” yakoranye na Harmonize igiye gusohoka.

Nk’uko bigaragara kuri Instagram ya Bruce Melody, yagize ati:” Thank you all for the birthday wishes ❤️❤️🙏🏾 Eyooo! Muzi nibindi se ?! #TotallyCrazy IGITANGAZA X KONDEBOY 🔥🔥 WILL BE OUT ANYTIME FROM NOW https://t.co/WbpJqNBQqC”