THIERRY Mugiraneza
N’Golo Kante , umufaransa ukinira ikipe ya Chelsea mu kibuga hagati yugarira kera kabaye yaguze imodoka nshya ñyuma y’uko yagiye ashinjwa kugugumiriza amafaranga.
Abakinnyi bakina muri shampiyona y’ikiciro cya mbere mu Bwongereza ( Premier League) usanga ari abakinnyi bahembwa amafaranga menshi cyane , n’abo bakayinezezamo bagura amamodoka y’agaciro kenshi.
Ku mufaransa N’Golo Kante we siko byagenze kuko ni umwe mu bakinnyi bari batunze imodoka idahenze cyane. Amakuru avuga ko N’Golo Kante kuva yagera muri Leicester City muri 2015 yagenderaga mu imodoka yaguze ibihumbi icumi by’amayero( €10, 000).
Ubu amashusho yafatiwe ku kibuga cy’imyitozo ya Chelsea kitwa Cobham yerekana N’Golo Kante agendera mu modoka yo mu bwoko bwa Mercedes – Benz GLE ihagaze agaciro k’ibihumbi mirongo irindwi by’amayero. Ngo iyo modoka yayiguze muri 2020 nyuma y’uko iyo yarafite yari yagize ikibazo mu mpanuka yakoze.
Muri ayo mashusho agaragaza kandi izindi modoka z’abakinnyi ba Chelsea barimo Jorginho atwaye imodoka yo mu bwoko bwa Ferrari na Pulisic atwaye Porsche.
