Karongi: Abagabo batatu bagiye gushaka amafaranga yo kurya ubunani bapfa batayabonye 

Abagabo batatu bo mu murenge wa Twumba mu Karere ka Karongi bapfiriye mu kirombe bagiye gukuramo amabuye y’agaciro mu buryo bunyuranyije n’amategeko.

Byabereye mu ijoro kuri ku wa 1 Mutarama 2023, Kuri uyu wa 1 Mutarama 2023, abagabo bane bo mu Murenge wa Twumba bahengereye abashinzwe kurinda iki kirombe bahugiye mu birori by’umunsi mukuru w’Ubunani, binjiramo ngo bacukure amabuye y’agaciro.

Babanje kwinjiramo batatu umwe asigara hanze, uwasigaye hanze agiye kureba abagiye mbere asanga gaz yo muri icyo kirombe yabahejeje umwuka. Ahita asohoka akajya kubatabariza gusa bari barangije gupfa.