Eddy
Umutoza Jose Mourinho nyuma yo kubana n’umukinnyi Mario Balotelli mu ikipe ya Intel Milan,yakomeje kugenda agirana umubano mwiza n’uyu mukinnyi bidatewe nuko ari umukinnyi ukomeye cyane,ahubwo ari umukinnyi wakunze kugenda atungura mourinho bitewe n’imyitwarire idasanzwe,gusa uyu mutoza ntiyarakazwaga n’iyi myitwarire ahubwo byaramusetsaga bituma aba bagabo bombi bibera incuti z’akadosohoka.
Nyuma y’uko uyu mukinnyi Balotelli akomeje kugenda abura ikipe kandi saison zigiye gutangira kumugabane w’iburayi,yafashe iyambere yitabaje umuhagarariye mu mategeko Mino Raiola begera Mourinho ngo abahe ubufasha,Mourinho mu nama yabagiriye,yabanje kubahakanira ko nta mwanya yabona mu mashitani atukura,abagira inama yo kwegera ikipe ya Sassuolo yo mu butaliyani kuko mu minsi ishize yigeze kumwifuza ariko bakayihenda.
Amakuru dukesha ikinyamakuru 90min.com avuga ko mourinho yasabye Mino Raiola kugabanya igiciro cy’uyu mukiriya we maze amakipe atandukanye akaba yamugeraho bitayagoye kuko igituma adasinyishwa ari imyitwarire ye ya hato na hato ituma asiba imikino akenewemo kandi akaba yihendesha.
Uyu mushyikirano wa Jose Mourinho na Mario Balotelli wabaye kuri uyu wa kabiri kuri  Carrington Training Centre.
