THIERRY Mugiraneza
Joao Cancelo myugariro w’umunya-Portugal uri gukinira ikipe ya Bayern Munich mu Budage avuye muri Manchester City ku ntizanyo yasobanuye impamvu yemeye gutizwa.
Ku munsi w’ejo nibwo ku mugabane w’Iburayi isoko ry’igura n’igurisha ry’abakinnyi ryasojwe.
Joao Cancelo ni umwe mu bakinnyi bavuye mu ikipe ya Manchester City ajya muri Bayern Munich ku ntizanyo. Igenda rye ryavugishije abantu benshi bibaza ikiganye uyu mugabo kandi yari umwe mu bakinnyi b’ingenzi muri Manchester City.
Joao Cancelo aganira n’itangamakuru ubwo yerekanwaga muri Bayern Munich yagiyemo ku ntizanyo y’amezi atandatu ariko harimo amahitamo yo kuzamugura mu mpeshyi ya 2023.
Joao Cancelo yagize ati ” Umwanzuro wange washingiye kubura iminota yo gukina mu byumweru bibiri bishize. Hari impuhwa zivuga ko ntarimbanye neza na Pep Guardiola ukuri guhari n’uko nshaka umwanya uhagije kandi inzozi zabaye impamo”.
Nubwo Cancelo yahakanye ibi ariko hari amakuru avuga ko koko atarabanye neza n’umutoza we kuko ngo kuva imikino yagaruka ñyuma y’igikombe cy’isi atigeze ahabwa umwanya wo gukina , Pep Guardiola akaba yahisemo kureka Joao ngo yigendera akazasigara akinisha abahari kuko afite abakinnyi batatu bakina ku mwanya Cancelo yakinagaho abo ni Nathan Ake, Aymeric La Porte na Sergio Gomez.
