THIERRY Mugiraneza
Joan Laporta, Umugabo w’imyaka 60 uyobora ikipe ya FC Barcelona isigaye yugarijwe n’uruhuri rw’ibibazo, yasubije abantu bakomeje gusabira FC Barcelona guhabwa ibihano bikakaye.
Muri iyi minsi imwe mu nkuru irikugarukwaho cyane ni ihamwa ry’ibyaha ku ikipe ya FC Barcelona, aho iyi kipe ikina LaLiga yahamijwe icyaha cyo kuba yarishyuye amafaranga akabakaba muri miliyoni 7.4 z’Amayero ikayishyura Jose Maria Enriguez wari visi perezida w’ishyirahamwe ry’abasifuzi muri Espagne.
Ibi birego byahamijwe FC Barcelona aho bavugaga ko iyo kipe yishyuye ayo mafaranga hagati ya 2001 na 2018. Gusa ubuyobozi bwa FC Barcelona buhabihanaka buvuga ko ntaho bihuriye no gutanga ruswa.
Joan Laporta uyiyobora ubwo yaganiraga n’ikinyamakuru Cope yavuze ko abifuriza Barcelona ikibi ntabyo bazabona ko kandi bazakora ibishoboka bakarengera ikipe.
Laporta yagize ati: ” Hari abantu banyuzwe n’ibihuha bigamije gusiga icyasha ikipe yacu. Muri Barcelona ntizuzambikwa urubwa tuzarwanira ikipe yacu”.
Laporta yongeraho ati ” Turi ikipe y’indangagaciro, iryo jambo si ukugira ngo bivuge neza ahubwo nicyo dushingiraho ibyo dukora”.
