Philcollens
Itsinda Vumbi Harmony Singers rifite Intego yo kurenga Daniella na James ryashyize hanze indirimbo bitezeho kongera urukundo mu bantu
Hashize iminsi 3 itsinda Vumbi Harmony Singers rikora ivugabutumwa binyuze mu kuririmba indirimbo zo kuramya no guhimbaza Imana, rishyize hanze indirimbo nziza yitwa “Rukundo”.
Mu kiganiro YEGOB yagiranye ni umwe mubagize itsinda Vumbi Harmony Singers yatubwiye ko gushinga iri tsinda byatewe ni uko bose bari abantu basanzwe bari mu muziki kuko bose ngo bazi gukoresha ibikoresho bya muzika harimo Piano, Guitari n’ibindi.
Iyi ndirimbo ‘RUKUNDO’ iri tsinda ryashyize hanze mu minsi itatu ishize, ni indirimo ifite amashusho meza yashyizwe ku muyoboro wa YouTube wiri tsinda witwa Vumbi Harmony Singers ndetse ikaba imaze gukundwa ukurikije abagenda bayireba bagira nibyo bayivugaho.
Mu myaka 2 Vumbi Harmony Singers bamaze bakora umuziki, bamaze gukora indirimbo zirimo RUGIRA SINGIZWA, AKIRA MANA MUTEGEKA, URATOWE, REKA NGUSHIMIRE NYAGASANI, NYAGASANI UNGIRE MUSHYA, IBYISHIMO BYANJYE ndetse na RUKUNDO imaze iminsi igiye hanze.
Iri tsinda rigizwe n’abantu 10 rikorera muri Diocese ya Nyundo, Paroisse Biruyi, Central ya Vumbi. Mu gihe kiri imbere Vumbi Harmony Singers barategura ibikorwa bitandukanye birimo Indi ndirimbo irimo gutegurwa yiswe REKA TUKURAMYE.
