Itangazo ryihutirwa kuri wa muhanda waraye ubereyemo impanuka ikomeye yahitanye ubuzima bw’abantu

Nyuma y’impanuka yaraye ibaye ku cyumweru, Polisi y’u Rwanda yasohoye itangazo imenyesha abantu ko uwo muhanda wabereye iyo mpanuka utakiri nyabagendwa.

Mu itangazo bashyize kuri Twitter bagize ati: “Muraho. Turabamenyesha ko kubera impanuka yabaye ejo mu Karere ka Rubavu, umuhanda Rubavu- Musanze- Kigali ko utari nyabagendwa.”

Polisi yakomeje ibwira abantu bakoresha uwo muhanda ko baragirwa inama yo gukoresha imihanda:

1. Gisenyi-Brasserie-Burushya-Pfunda-Mahoko-Musanze-Kigali

2. Gisenyi-Buhuru-Giko-Murara-Rugerero-Musanze-Kigali

Isoza yisegura ku bantu kubera izo mpinduka, ati: “Murasabwa kwihanganira impinduka, hari gukorwa ibishoboka byose kugirango uyu muhanda ufungurwe mu gihe cya vuba.”

“Abapolisi baraza kuba bari ku muhanda babayobore. Murakoze.”