HARAGIRIMANA Dieudonne
Mu gihe abafana ba FC Barcelone barangije gufata Neymar nk’umugambanyi kubera uburyo ahise ashaka kuva muri iyi kipe nukuntu yamufashe neza kuva igihe yamuguriye muri Bresil,FC Barcelone nayo ikaba yihimuye bikomeye cyane kuri uyu musore ndetse na Se umubyara.
Mu gihe Neymar yongeraga amasezerano na FC Barcelone umwaka ushize,Barca yemereye se wa Neymar ari nawe agent we,ko Neymar Jr naba akiri umukinnyi wa Barca kuri 31 Nyakanga 2017 izaha se miliyoni 26 z’amayero,amafaranga yagombaga kubona kubera ayo masezerano yarangiye ku munsi w’ejo,nyamara ikipe ya Barca ikaba yanze kuyamuha nk’uko ikinyamakuru AFP kibitangaza.
Neymar bivugwa ko yategereje kugeza kuri iyo taliki ngo abone gusinya muri PSG,kugira ngo atabuza se kubona ayo mafaranga atari make.
