Ishyano: Umusore yakubiswe n’inkuba ubwo yaburaga umukobwa yakoye ku munsi w’ubukwe (video)

Kuri 5 Gashyantare umusore witwa Murenzi Alex yafashe urugendo ajya kureba umugeni witwa Musabwa nkuko bari barafashe itari y’ubukwe ndetse umusore yarakoye bajya no murenge barasezerana.

Gusa ku munsi w’ejo Murenzi Alex yakubiswe n’inkuba ubwo yajya kureba umugeni we iwabo ngo bakore imihango yo gusaba no gukwa yagezeyo asanga iwabo w’umukobwa ntacyo biteguye kuko hari hameze nkaho nta kintu cyabaye.

Murenzi yatangaje ko ku itariki 4 ukuboza aribwo yagiye iwabo w’umukobwa gufata irembo ndetse aramukwa inka 2 nkuko iwabo w’umukobwa bari babisabye ,bemeranya ko 5 Gashyantare aribwo ubukwe buzaba ndetse tariki ya 13 mutarama bakoze umurenge.

Musaza w’umukobwa ariwe uhagarariye umuryango yahamagaye mu ijoro ryo kuya 3 Gashyantare amubwira ko Mushiki we yabuze gusa nkuko bari bateguye ubukwe bafashe iyambere bagera iwabo w’umukobwa barebe ko aribyo nibwo bakubitwaga n’inkuba babuze umugeni.