Iperereza ryatangiye ku myitwarire idahwitse  yaranze Igitego cya Arsenal yatsinze Bournemouth ku munota wa nyuma 

Iperereza ryatangiye ku myitwarire idahwitse  yaranze Igitego cya Arsenal yatsinze Bournemouth ku munota wa nyuma.

Ishyirahamwe ry’umupira w’amaguru mu Bwongereza ryamaze gutangira iperereza ku myitwarire yaranze Arsenal ubwo yishimiraga igitego yatsinze Bournemouth ku munota wa nyuma.

Nyuma y’uko iminota 90 y’umukino yari yarangiye Arsenal inganya na Bournemouth ibutego 2-2, Reis Nelson yatsindiye Arsenal igitego cya gatatu ku munota wa 97 bituma iyi kipe y’i London icyura amanota atatu.

Iki gitego cyatumye abakinnyi ba Arsenal bari hanze y’ikibuga na staff(abatoza, abaganga n’abandi) bari ku ntebe y’abasimbura bahita basimbukira mu kibuga bajya kwishimana n’abakinnyi bari bakiri mu kibuga.

Inkuru dukesha ikinyamakuru Football London iravuga ko umusifuzi Chris Kavanagh yaba yaratanze raporo muri FA irimo ubu buryo Arsenal yishimiye igitego kuri uyu mukino.

Kugeza kuri ubu ntibiramenyekana niba Arsenal ishobora guhanwa kubera kwishimira igitego gutya, ariko biravugwa ko iperereza ryo FA yamaze kuritangira.