Inzovu yakomeje kuba mu giti; Tottenham na Chelsea zigaragaza ko zidashimwa kabiri! Ibyaranze umunsi wa 17 wa Premier League

Mu mpera z’icyi cyumweru gishize kuva kuwa gatanu kugeza ku cyumweru hakinwaga imikino y’umunsi wa 17 wa Championa y’ikiciro cya mbere y’Ubwongereza ( Premiere League).
Muri iyi nkuru tugiye kugaruka ku byaranze imikino yose harimo igaragurika rya Tottenham Hotspurs ndetse na Chelsea mu gihe Arsenal yongeye guhamya umwanya wa mbere.
.Imikino yabaye kuwa gatanu:

Liverpool yabimburiye izindi kipe gukina kuko yakiriye ikipe ya Leicester City saa yine z’ijoro kuri Anfield Stadium. Liverpool yitoraguriye amanota atatu kuko ibitego byose byayihaye amanota byitsinzwe n’umusore wa Leicester City , igitego cya mbere Faes yakitsinze ku munota wa 38 yiyongeza ikindi ku munota wa 45 mu gihe Leicester City yari ya anje kugitsinda ku munota wa 5 gitsinzwe na Dewsburg Hall.
Kuwa gatanu kandi Brentford yatsinze Westham ibitego bibiri ku busa.
Kuwa gatandatu ku itariki 31 Championa yarakomeje hakinwa imikino ikurikira.
. Manchester United yabimburiye izindi ikina na Wolverhampton Wanderers maze Rashford wari wabanje hanze yaje kurokora Manchester United ubwo yinjiraga asimbuye agatsinda igitego ku munota wa 76 ahawe umupira na Bruno Fernandes.

. Imikino yakurikiyeho Newcastle United yanganyije na Leeds ubusa ku busa. Fulham itsinda Southampton ibitego bibiri kuri kimwe ibitego bya Fulham byatsinzwe na Ward Pawurse witsinze ku munota wa 32 ndetse na Palhinha ku munota wa 88 mu gihe kimwe cy’abatagatifu cyatsinzwe na Ward Pawurse ku munota wa 56. AFC Bournemouth itsindwa na Crystal Palace ibitego bibiri ku busa byatsinzwe na Ayew ku munota wa 19 na Eze ku munota wa 36.

Manchester City yaje guhagamwa na Everton banganya igitego kimwe kuri kimwe, igitego cya City cyatsinzwe na Haaland mu gihe Demaray Gray yatsindiye Everton.
. Arsenal yiswe inzovu mu giti yaje guhamya umwanya wa mbere ubwo yatsindaga Brighton Hove and Albion ibitegi bine kuri bibiri. Ibitego by’abarashi byatsinzwe na Saka, Odeggard , Nketiah na Martinelli. Impozamarira za Brighton zatsinzwe na Mitoma ndetse na Ferguson.

. Umunsi wa 17 washonjwe ku cyumweru ubwo amakipe y’i London yose yagaragurikaga. Tottenham Hotspur yatangiye itsindwa na Aston Villa ibitego bibiri ku busa byatsinzwe na Buendia na Douglas Luis. Chelsea n’ayo yaje kunanirwa kwikura imbere ya Nottingham Forest kuko zanganyije igitego kimwe kuri kimwe, igitego cya Chelsea cyatsinzwe na Sterling icya Nottingham gutsindwa na Serge Aurier.
Umunsi wa 17 wa Premiere League usize urutonde ruhagaze gutya:
1. Arsenal irayoboye n’amanota 43 ikaba izigamye ibitego 26 mu mikino 16 imaze gukina.
2. Manchester City ifite amanota 36 izigamye ibitego 28 mu mikino 16 imaze gukina.
3. Newcastle United iza ku mwanya wa gatatu n’amanota 34.
4. Manchester United ikaza ku mwanya wa kane n’amanota 32 ikaba izigamye ibitego 4 n’umukino imwe itarakina.
5. Tottenham Hotspurs ifite amanota 30 mu gihe Liverpool iza ku mwanya wa gatandatu n’amanota 28.
Amakipe akomerewe ni Nottingham Forest iri ku mwanya wa 18 n’amanota 14 n’umwenda w’ibitego 22.
Wolverhampton Wanderers iza ku mwanya wa 19 n’amanota 13 n’umwenda w’ibitego 16.
Mu gihe Southampton iza ku mwanya wa 20 n’amanota 12 gusa n’umwenda w’ibitego 17.
Umunsi wa 17 usize ba rutahizamu bahagaze batya:

1. Erling Braut Haaland wa Manchester City amaze gutsinda ibitego 21.
2. Harry Kane wa Tottenham Hotspur afite ibitego 13.
3. Ivan Toney wa Brentford afite ibitego 12.
4. Aleksandro Mitrovic wa Fulham afite ibitego 10.
5. Miguel Almiron wa Newcastle United afite ibitego 9.