M.Ben
Inkuru y’inshamugongo yumvikanye mu Karere ka Rubavu nyuma y’uko umwana w’imyaka 16 yagwiriwe n’ikirombe yagiye gucukura.
Umwana w’imyaka 16 wo mu Karere ka Rubavu yagwiriwe n’ikirombe ahita yitaba Imana nk’uko ubuyobozi bubitangaza.
Ibi byabaye kuri uyu wa Gatanu tariki ya 30 Kamena 2023, ahagana saa kumi n’ebyiri za mu gitondo (06H00 a.m), bibera mu Murenge wa Rugerero, Akagari ka Muhira, Umudugudu wa Gatebe.
Umunyamabanga Nshingwabikorwa w’Umurenge wa Rugerero, Nzabahimana Evariste yavuze ko uyu mwana hamwe na mugenzi we w’imyaka 14 bitwikiriye ijoro bajya gucukura itaka mu kirombe cyari cyarafunzwe.
Yavuze ko uwo w’imyaka 14 yabonye gitangiye kubagwira, avamo mbere ari na we waje gutabaza inzego z’umutekano.
