Inkuru y’inshamugongo kuri Céline Dion:yatangaje indwara ikomeye amaranye igihe ishobora no kumuhitana

Inkuru y’inshamugongo kuri Céline Dion:yatangaje indwara ikomeye amaranye igihe ishobora no kumuhitana.

Umuhanzikazi Celine Dion uri mu bubatse ibigwi bikomeye mu muziki w’isi yatangaje ko arembejwe n’indwara inyunyuza imitsi igatera kumagara kandi ko ayimaranye igihe.

Abinyujije kuri Instagram Dion ukomoka muri Canada mu marira menshi yavuze ko iyo ndwara yitwa “Stiff Person Syndrome” ifata umuntu umwe muri miliyoni ndetse ko kugeza ubu nta muti uyikiza burundu uhari.

Daily Mail ivuga ko uretse kunyunyuza imitsi iyi ndwara iyo ikaze ica intege zose umubiri w’umuntu ku buryo ananirwa kuvuga cyangwa kugenda.

Celine yasoje atangaza ko yahagaritse ibitaramo byose yari afite mu 2023.