Inkuru y’incamugongo ibika urupfu rwa Ambasaderi Mukaruliza Monique, gusa hamenyekanye icyamwishe

Kuri uyu wa Gatandatu tariki 30 Werurwe 2024, Nibwo mu Rwanda hamenyekanye inkuru y’incamugongo ibika urupfu rwa Ambasaderi Mukaruliza Monique.

Uyu mugore wabaye mu nzego zitandukanye nkuru z’igihugu, wapfiriye i Bruxelles mu Bubiligi aho yari amaze iminsi arwariye.

Umugabo we, Ntirushwamaboko John, yabwiye IGIHE dukesha iyi nkuru ko umugore we atari amaze iminsi myinshi arwaye. Ati “Byabaye uyu munsi nko mu masaha abiri ashize. Yari arwariye i Bruxelles, yari amaze ibyumweru nka bibiri.”