Inkuru itangaje: Abakinnyi ba Rwamagana City bagiye kwishyuza amafaranga yabo Team manager abacaho nk’utabizi bamuhetse ku igare -IFOTO

Abakinnyi bakinira Rwamagana City uyu munsi bari bemerewe guhabwa umushahara w’ukwezi kumwe, nawo bagiye kuwufata basanga ku biro harafunze, ahubwo Team Manager abacaho bamuhetse ku igare nk’utabazi.

Gusa abo bakinnyi bakomeje kurebana ay’ingwe n’ubuyobozi bw’ikipe bubarimo umushahara w’amezi 3 , ndetse n’igice cy’amafaranga yasigaye kuyo baguzwe.

Mu gitondo cyo kuri uyu wa Mbere nibwo abakinnyi b’ikipe ya Rwamagana City bagiye ku biro by’iyi kipe kureba ko nibura batemuza umushahara w’ukwezi kumwe mu mezi atatu baberewemo, bahageze basanga nta n’inyoni itamba.

Aba bakinnyi bagerageje gutegereza ngo barebe ko hari umuyobozi waza kubafasha, baraheba, kwihangana byanze bafata inzira berekeza aho baba.

Ubwo aba bakinnyi bageraga mu muhanda, Team Manager wabo Muteyinkingi Callixte yabaciyeho bamuhetse ku igare, abareba nk’utabazi arikomereza.

Abakinnyi babuze amajya n’amaza basubira aho baba.