Inkuru ishyushye: Paul Pogba akuwe ku mwanya w’umukinnyi wa mbere uhenze ku isi muri ruhago

Agahigo mu kugura umukinnyi uhenze gafitwe n’ikipe ya Manchester United, aho yaguze umukinnyi Paul Pogba akayabo ka Miliyoni 105 z’amapound imuvana mu ikipe ya Juventus, gusa kuri ubu iby’aka gahigo biri mu marembera bitewe nibikarito byuzuye amafaranga ikipe ya Real Madrid yateretse imbere y’umuherwe wa Chelsea, Roman Abramovic.

Nyuma y’uko abahagarariye ikipe ya Real Madrid bagiranye ibiganiro bitatu na Eden Hazard, amakuru dukesha ikinyamakuru Evening standard cyo mu bwongereza aravuga, aba bagabo ntakindi cyabagenzaga uretse kureba uko bakwigarurira uyu mukinnyi ugifite amasezerano muri Chelsea azamugeza mu mwaka w’i 2020. Iyi dosiye kandi isubukuwe nyuma yuko umufaransa Kylian Mbappe ashwishurije ikipe ya Real Madrid. Amakuru aturuka i Madrid dukesha ikinyamakuru Marca aravuga ko ikipe ya Real Madrid yashyize hasi akayabo ka Miliyoni 110 z’amapound zingana na Miliyoni 115 z’amayero kugirango ibe yagura uyu mukinnyi w’umubiligi. Gusa ku ruhande rwa hazard we yirinze kugira icyo abitangazaho mu bitangazamakuru ndetse n’umuhagarariye mu mategeko nawe ntakintu yabivuzeho.