HARAGIRIMANA Dieudonne
Nyuma y’umukino wa Champions league ikipe ya Manchester United itaherukaga iri rushanwa yatsinzemo ikipe ya FC Bale I Old Trafford 2-0,nyamara umutoza wa Red devils ari we Jose Mourinho ntago yishimye cyane kuko yaboneyeho no kugaragaraza umujinya afitiye abakinnyi be mu magambo akarishye yatangarije abanyamakuru.
Mu kiganiro n’abanayamakuru nyuma y’uyu mukino,Jose Felix Mourinho yavuze ko abakinnyi be basuzuguye bikomeye ikipe ya FC Bale bagashaka gukina udukoryo two muri Playstation nk’uko ariyo mvugo yakoresheje aho gushaka uko bakubaka umukino ngo batsinde byinshi.Yagize ati “Nyuma y’igitego cya 2,abakinnyi barekeye gukina barekera gutekereza barekera gufata ibyemezo byiza ndetse byari kutuviramo no kwishyira mu bibazo.Bakomeje gufata ibyemezo bibi,bashaka gukora udukoryo two kuri playstation kuko bumvaga kuri 2-0 umukino warangye ariko ruhago ni ruhago byose birashoboka kandi uba ugomba kubaha ab muhanganye.”
Jose Mourinho ndetse yongeyeho ko amakipe yo mu Bwongereza nubwo akomeye cyane nyamara iyo ageze muri UEFA Champions League akina nk’ayo mu cyiciro cya 2.
