Inkuru igezweho: Umugabo wafashe ku ngufu mwinshywa we w’imyaka 7 nyuma agatoroka yambaye amapingu ubu yafashwe

Mu minsi mike ishize Yegob twabagejejeho inkuru y’umugabo wo mu karere ka Kamonyi wafashe ku ngufu mwinshywa we w’imyaka 7 agatabwa muri yombi maze akaza gutoroka yambaye amapingu ubu yatafashwe.

Umugabo Mbananabo Leonard, ukekwaho icyaha cyo gusambanya umwana, nyuma y’iminsi itatu atorokanye ipingu yambitswe na Dasso, zikorera mu Murenge wa Kayumbu, yatawe muri yombi nyuma yo gusaba abantu kumushakira inyundo yo guca ipingu ahubwo bahita batanga amakuru ku nzego zibishinzwe bituma atabwa muri yombi.

Uyu mugabo ukekwaho icyaha cyo gusambanya umwishywa we wari ufite imyaka irindwi mu myaka ibiri ishize, yafatiwe mu Mudugudu wa Musave, Akagari ka Nyarubuye, Umurenge wa Rugalika mu rucyerera rwo kuri uyu wa Gatanu tariki ya 21 Ukwakira 2022.