Inkuru Ibabaje : Undi mwana w’umukobwa muto yishwe ahawe sumu ya panya

Muri iyi minsi mu Rwanda hari inkuru y’umwana bivugwa ko yishwe na mukase amutaye mu kigega agapfiramo. Mu gihugu cya Nigeria haravugwa indi knuru y’urupfu rubabaje rw’umwana w’umukobwa witwa Hanifa.

Abdulmalik Tanko, nyiri kigo kitwa Noble Kids Nursery and Primary School mu gace ka Kano mu gihugu cya Nigeria yemeye asaba imbabazi icyaha yakoze cyo kwica umwe mu bnayeshuri be Hanifa Abubakar w’imyaka 5 y’amavuko.

Tanko werekanwe imbere y’itangazamakuru kuri uyu wa gatanu w’icyumweru gishize yiyemereye ubwe ko yaguze uburozi bwica imbeba  bw’ama naira ijana N100 akabushyira mucyo kunywa uyu mwana yari yapfunyitse apfa amureba ahita amushyingura mu mbuga y’icyo kigo.

Muri iyo video yahererekanyijwe ku mbuga nkoranyambaga yahakanye amakuru yavugaga ko yaba ayarabikoze kubwimigenzo aho yasobanuye ko impamvu yamushyinguye mu mbuga y’icyo kigo ari kubera ko ntahandi hantu yari kubona ho kumushyingura. Yavuze ko yashimuse uyu Hanifa agatera ubwoba ababyeyi be icyiguzi cyo kumugarura(ransom) bitewe nuko yari afite ikibazo cy’ubukene muri iyo minsi.