Inkuru ibabaje: umwana yaguye mu cyobo cy’amazi ashiramo umwuka.

Mu karere ka NYANZA  mu murenge wa Muyira haravugwa inkuru y’umwana w’imyaka ibiri waguye mu cyobo gifata amazi agahita apfa. Byaberehe mu Mudugudu wa Kinyana mu Kagari ka Migina kuri uyu wa Kane tariki ya 6 Mutarama 2022.

Amakuru y’ibanze avuga ko uwo mwana yaguye muri icyo cyobo ari kumwe n’undi w’imyaka itandatu y’amavuko.

Bivugwa ko akimara kugwamo yabonywe n’umukobwa w’imyaka 19 wahageze ahita atabaza, bamukuyemo basanga yamaze gupfa.

Bivugwa ko icyo cyobo cy’amazi yaguyemo gifite nka metero imwe y’uburebure kuko abaturage bakunze kukivomamo amazi yo gukoresha imirimo y’ubwubatsi.