HARAGIRIMANA Dieudonne
Umugore w’umunyamideli wabyaranye umwana na Diamond Platinumz , Hamisa Mobetto yasutse amarira y’ibyishimo ubwo yateraga mitoma iryoshye umukunzi we mushya amubwira amagambo umuntu w’igitsinagabo yakwifuza kubwirwa.
Abinyujije ku mbuga nkoranyamabaga mu magambo ayunguruye buri mugabo wese yakwifuza kubwirwa, Mobeto yatatse umukunzi we bari mu munyenga w’urukundo kugeza n’ubu atarashimangira uwo ariwe.
Mu butumwa buherekejwe n’ifoto bigaragara ko yafashwe aryamye, yagize ati: ”Ku mugabo wunga ibice by’umubiri wanjye atanegekaje warakoze gufata neza umutimwa wanjye, mukundwa nta n’umwe wabikora nk’uko ubikora.”
Muri ibi bihe Mobeto arimo yizihiza isabukuru y’amavuko y’imyaka 28 dore ko yabonye izuba kuwa 10 Ukuboza 1994. Ni ibihe na nyina umubyara yizihirizamo isabukuru y’amavuko nk’uko yabigaragaje.
