Indi kipe ikina icyiciro cya mbere mu Rwanda yacunze bugorobye izuba rirenze yirukana umutoza

Umutoza Muhire Hassan watozaga ikipe ikina shampiyona y’icyiciro cya mbere mu Rwanda ya Sunrise FC, yirukanwe nyuma yo kutabona umusaruro uhagije.

Kuri uyu wa Mbere mu masaha ya nimugoroba yo kuwa 23 Ukwakira ni bwo iyi kipe yabyemeje ibinyujije ku mbuga nkoranyambaga zayo.

Bamushimiye barangije bavuga ko nyuma y’ibiganiro byabaye hagati y’ubuyobozi nawe, bafashe umwanzuro wo gutandukana ku bw’umvikane.

Taliki 23 Kamena 2023 ni bwo iyi kipe ya Sunrise FC yari yatangaje ko yagize Muhire Hassan umutoza mukuru mu gihe cy’imyaka 2 asimbuye Seninga Innocent waherukaga gutandukana nayo.