Indege ya Kajugujugu yakoze impanuka maze abari bayirimo bose barapfa – AMOFOTO

Indege yo mu bwoko bwa Kajugujugu y’Igisirikare cya Kenya yakoze impanuka hafi y’umupaka wa Somalia, maze abantu 8 bari bayirimo bose barapfa.

Iyo mpanuka yabaye ku wa Kabiri tariki 19 Nzeri 2023 yabereye mu gace ka Lamu ku mupaka wa Kenya na Somalia.

Aha niho ingabo za Kenya zikunze gukora ubugenzuzi kubera ko abarwanyi bo mu mitwe y’iterabwoba nka ‘al-Qaida’ na ‘al-Shabab’, bakunze kuba bari ku mupaka wa Somalia.

Inzego z’umutekano zo muri Kenya zavuze ko abasirikare bose bari bari muri iyo ndege, ndetse n’abashinzwe kuyitwara bose uko bari 8 bapfuye.