Indege nto yari yaburiwe irengero yabonetse nta mubarankuru yasize

Indege nto yari yaburiwe irengero muri Congo yabonetse abari barimo barapfuye bose na yo yarangiritse.

Ni indege yakoze impanuka mu cyumweru gishize nyuma yo guhaguruka ku kibuga cy’indege cya Kavumu mu Mujyi wa Bukavu muri Repubulika Iharanira Demokarasi ya Congo.

Iyi ndege yari itwaye abantu bagera kuri batatu ndetse n’imizigo yaje kuboneka nta muntu ukiri muzima na yo yarangiritse.

Iyi ndege yabonetse ku gicamunsi cyo kuri uyu wa Mbere, nyuma y’icyumweru kirenga bitazwi aho yaguye.

Kugeza ubu icyateye iyo mpanuka y’indege ntabwo kiramenyekana.