HARAGIRIMANA Dieudonne
Indege 2 zo mu bwoko bwa kajugujugu zasekuraniye mu kirere cya Australia ku nkombe ya Gold Coast ,abantu 4 bahita bahasiga ubuzima ,mu gihe abandi 3 bakirwana n’ubuzima ngo barebe ko babaho cyane ko bakomeretse bikabije.
Ni impanuka yabaye kuri iki cyumweru tariki 1 Mutarama 2022 ,ahagana saa munani z’amanywa ,aho izo ndege zagonganye imwe ikangirika ku buryo bukabije ,ndetse abari bayirimo hafi ya bose bakitaba Imana ,mu gihe indi itangiritse cyane yabashije no kururuka neza icyakora abari bayirimo nabo bagakomereka.
9News dukesha iyi nkuru ivuga ko ,abantu bari hafi aho bahise bagerageza gutabara abari bagihumeka bakabageza kwa muganga ,mu gihe abakomeretse byoroheje bahise bahabwa ubuvuzi bw’ibanze bakiri aho impanuka yabereye.
9News ivuga ko abantu 6 bagize ikibazo cy’ihungabana ariko nabo bari kwitabwaho kugirango bongere kumererwa neza , ,cyane ko umutangabuhamya waganiriye na 9news avuga ko yari impanuka iteye ubwoba nabo batazi uko yagenze, bagiye kumva bakumva urusaku rw’ibiturika.
