M.Ben
Abakobwa basanzwe bakora umurimo wo kwicuruza (Uburaya) barwanye barakomeretsanya bapfa umugabo mu rukerera rwo ku wa kabiri tariki ya 15 Gashyantare.
Ibi byabaye ku munsi wo ku wa kabiri tariki ya 15 Gashyantare mu rukerera, bibera mu mudugudu w’Isangano, Akagali ka Gatenga, mu murenge wa Gatenga ho mu karere ka Kicukiro.
Ubwo abasore babiri bari batahanye umukobwa umwe bavuye kwishimira umunsi w’abakundana, haje kunyuraho undi mukobwa n’uko umwe muri abo basore aramubwira ngo uri mwiza, maze uwo bari batahanye atangira gukubita uwo wundi witambukiraga gusa nawe ntago yaje kumworohera.
Abo bakobwa bakimara gufatana batangiye kwesurana, abo basore ko ari babiri bahise bakuramo akobo karenge amaguru bayabangira ingata. Abo bakobwa basigaye barwana nuko bose baza gukomeretsanya aho umwe yaje gukomereka bikaba ngombwa ko ajya kwa muganga.
Muri iyo mirwano yahoje abo bakobwa bombi, umwe muri bo yaje kurumwa ibere ndetse anakomeretswa ku matako.
Uwo mukobwa umwe wari wakometse cyane yageze kwa muganga abura ubwishingizi mu kwivuza buzwi nka ‘Mituweli’ mu gihe undi we barwanye yahise aburirwa irengero.
