Inda yamushyize ku karubanda! Wa mugabo wakoze amahano yo kwica abana be batatu n’umugore we, yafashwe agiye gushaka icyo gushyira mu nda

Wa mugabo wakoze amahano yo kwica abana be batatu n’umugore we, yafashwe agiye gushaka icyo gushyira mu nda.

Urwego rw’igihugu rw’ubugenzacyaha RIB rwatangaje ko rwataye muri yombi umugabo witwa Musonera Theogene wo mu karere ka Kayonza ukekwaho kwica umugore we n’abana batatu akoresheje umuhoro agahita atoroka.

Ubu bwicanyi bwamenyekanye tariki 15 Kamena 2023.

Murangira B. Thierry, umuvugizi wa RIB yavuze ko ku bufatanye n’abaturage, Musonera Theogene yafashwe kuwa 23 Kamena 2023 nyuma y’iminsi yihishahisha iperereza rikaba rigikomeje.

Amakuru avuga ko nyuma yo kwica umuryango we, Musonera yagumye mu karere ka Kayonza ari naho yafatiwe, inzara ikaba ariyo yatumye ajya ahagaragara.