HARAGIRIMANA Dieudonne
Umuhanzi Yvan Buravan witabye Imana ku ya 17 Kanama 2022 yababaje benshi harimo abo mu muryango we, abo bari baziranye bose ndetse n’abafana be muri rusange. Mbere gato yuko Yvan Buravan arwara yagiranye ikiganiro n’abafana be higashishijwe uburyo bwa Livestream ya instagram.
Twabarebeye ubutumwa bukubiye muri videwo ya nyuma Yvan Buravan yakoranye n’abafana be. Nkuko bigaragara muri iyi videwo yashyizwe hanze binyuze kuri YouTube, Yvan Buravan yasabaga abafana be kumuganiriza nawe akanyuzamo akabaririmbira.
Mu bantu basaga magana atatu bari barimo gukurikirana iyi livestream ya instagram Yvan Buravan yasangije abamukurikira, yafashemo bake akajya abaha umwanya bakagaragara kuri live ye ndetse bakanamuganiriza.
Umwe mu bafana be yahaye umwanya yamuririmbiue indirimbo yamuhimbiye aho yavugagako amukunda ndetse na Yvan Buravan bimukora ku mutima.
Undi mufana wa Yvan Buravan yahaye umwanya wo kugaragara kuri live ye yafashwe n’amarangamutima maze kuvuga biramunanira ararira nyuma yuko yari atangiye kuririmba indirimbo Shira intimba ya Kamaliza gusa Yvan Buravan yaramuririmbiye aramuhoza.
Undi mufana Yvan Buravan yahaye umwanya wo kugaragara kuri Live ye ya instagram yavuze ko amukunda cyane ndetse ko nawe asanzwe ari umuhanzikazi maze anamuririmbira indirimbo Malaika.
Undi mufana Yvan Buravan yahaye umwanya yavuze ko ashaka kumuririmbira indirimbo ye akunda cyane maze amuririmbira indirimbo Inkuru ivugwamo amagambo « Naramukunze nawe arankunda imitima nayo turagurana oya sinamujya kure Rukundo oyaaa ni ukugeza mu gusaza…. ».
Yvan Buravan yasoje Live ye ashimira abafana be babanye guhera itangiye kugeza irangiye anabaririmbira agace gato ko mu ndirimbo ye Inkuru hanyuma ababwira ko bazongera guhura ku wa Kane.
