Inama y’igitaraganya yiga kuri Mashami Vincent yamuteretse ku ntebe ihinda umuriro

Umutoza mukuru wa Police FC Mashami Vincent ari ku ntebe ishyushye nyuma yo kutitwara neza kuva shampiyona yatangira.

Police FC ku munis w’ejo yakinnye umukino wa 4 wa shampiyona n’ikipe ya Gasogi United iza gutakaza uyu mukino itsinzwe na Gasogi United ibitego 2-0.

Nyuma y’uyu mukino abayobozi ba Police FC bahise bakoreta inama ku kibuga bitewe n’umusaruro mubi ukomeje kwigaragambya muri iyi kipe. Si abayobozi gusa n’abakinnyi ubwabo bakoze inama ubona ko ibirimo kubabaho ari ibintu bitumvikana.

Mashami Vincent ukomeje kutitwara neza ubu ari ahantu hatari heza habe ntamba. Amakuru YEGOB yamenye ni uko ubuyobozi bwa Police FC bwahaye uyu mutoza umukino umwe gusa byakwanga agahita yerekwa umuryango.

Abakunzi b’umupira w’amaguru wa hano mu Rwanda bakomeje kwibaza ikintu kirimo kuba kuri Police FC kandi ari ikipe ubona ko yaguze abakinnyi bakomeye kandi bafite ubunararibonye.

Police FC kuva shampiyona yatangira ntirinjiza igitego nta kimwe ndetse ntiranatsinda umukino n’umwe bivuze ko ifite ubusa kuri 12 nubwo imaze gukina imikino 3 ikaba ifite umukino w’ikirarane 1.