Imyaka 10 irashize tubuze inkingi ya mwamba mu muziki ,akaba umuvandimwe wa Miss Rwanda 2012

Ku itariki 1 Mutarama 2012 nibwo abanyarwanda bumvise inkuru y’akababaro y’urupfu rutunguranye rwa Hirwa Henry wari umwe muri 3 bari bagize itsinda rya Kigali Boys (KGB) bari bazwi mu ndirimbo arasharamye ,azize impanuka y’amazi aho yarohamye mu kiyaga cya Muhazi.

Mu gitondo cyo kuri uyu wa kabiri tariki 07 Gashyantare 2023 ,nibwo Nyampinga w’u Rwanda 2012 Miss Mutesi Kayibanda Aurore wari mushiki wa nyakwigendera akaba inshuti ye cyane ,yifashishije amashusho mato ariho amafoto ya nyakwigendera Hirwa Henry avuga ko yizihiza ubuzima.

Mu magambo yacishije muri ayo mashusho yari agizwe n’amafoto yabo yahurije hamwe ,Miss Aurore yagize ati:” Uyu munsi turabara imyaka 10 udahari , ariko kuri twe umeze nk’uwagiye ejo hashize ,turagukumbuye kandi turagukunda”

Miss Aurore yakomeje agira ati:” Ndizihiza ubuzima wabayeho  kandi nyuzwe n’igihe nagize cyo kumarana nawe”.

Hirwa Henry yabaye umwe mu nyingi za mwamba mu muziki nyarwanda ndetse anagira uruhare mu gukundisha abato umuziki nyarwanda .