Impanuka y’imodoka yo mu bwoko bwa Fuso yahitanye umugabo wari umaze kuyipakira amatafari aho yahurudutse akisekura hasi

Impanuka y’imodoka yo mu bwoko bwa Fuso yahitanye umugabo wari umaze kuyipakira amatafari aho yahurudutse akisekura hasi.

Umugabo wari mu mudoka amaze kuyipakiramo amatafari, yapfuye ubwo yari imutwaye.

Impanuka y’imodoka yo mu bwoko bwa Mitsubishi Fuso ifite Plaque RAB732B yahitanye Nkundimana Claude w’imyaka 28 y’amavuko.

Uyu yari atuye mu mudugudu wa Nyamivumu B, mu kagari ka Mushirarungu mu murenge wa Rwabicuma mu karere ka Nyanza.

Umuvugizi wa Polisi mu ntara y’Amajyepfo SP Emmanuel Habiyaremye yabwiye UMUSEKE dukesha iyi nkuru ko nyakwigendera yishwe n’imodoka yari irimo igenda.