Impano y’agatangaza Bahavu yahaye umugabo we ku isabukuru ye

Tariki ya 19 Ukwakira nibwo Fleury Legend, umugabo wa Bahavu Jannet, yizihije isabukuru ye y’amavuko. Mbere yuko uyu munsi ugera, Bahavu yatunguye umugabo we, Fleury, maze amuha impano y’isabukuru ye yari yamugeneye.

Bahavu yahamagaye Fleury amubwira ko ari buze kumusanga muri imwe mu nzu zikodeshwa izwi nka Elizabeth Appartment, maze ubwo Fleury yahageraga yahise atungurwa na Bahavu wari wamwiteguye ndetse yanateguye umutsima (birthday cake) ushagawe n’imitako itandukanye.

Si ibi gusa kuko Bahavu yari yanamuteguriye igikombe (award) nk’impano y’umunsi mukuru. Bahavu yasobanuye ko iki gikombe gisobanuye byinshi aho yavuze ko ari icyo yamuhitiyemo kubera ko ari inyenyeri imurikira ubuzima bwe, akaba ari umugabo mwiza, wita ku rugo rwe neza, w’inyangamugayo kandi w’umugwaneza.

Mu kanyamuneza kenshi, Fleury nawe yahise asabwa n’amarangamutima maze asoma Bahavu ku munwa ari nako amushimira cyane kuba yamukoreye ibirori byiza ndetse no ku bw’impano yamuhaye.