Imitwe yabaye myinshi, Umugabo yafatanwe urumogi yahishe mu buryo butangaje

Yafatiwe mu Mudugudu wa Taba, Akagari ka Muyange mu Murenge wa Nyabitekeri, Akarere ka Nyamasheke afite udupfunyika 500 yari yashyize mu mufuka urimo umuceri.

Amaze gufatwa yavuze ko yari agiye kurugurishiriza mu Kagari ka Mariza ko muri uwo Murenge wa Nyabitekeri ari na ho atuye.

Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira urumogi mu biyobyabwenge bihambaye.

Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni 20 ariko atarenze miliyoni 30 ku byerekeye ibiyobyabwenge bihambaye.