Imikino yo kwishyura ya Shampiyona y’u Rwanda yigijwe imbere, amatariki yahinduwe

Imikino yo kwishyura ya Shampiyona y’u Rwanda yagaruwe imbare aho kuzatangira tariki ya 5 gashyantare 2023.

Kuri uyu wa gatanu nibwo hasojwe igice cya mbere cya Shampiyona hakinwa umukino umwe gusa wari usigaye hagati ya Rayon Sports ndetse n’ikipe ya Gasogi United, umukino urangira ikipe ya Gasogi United ibonye intsinzi y’igitego 1-0.

Nyuma y’uyu mukino benshi batangiye kwibaza niba igihe Shampiyona y’u Rwanda izongera kugarukira kizagera bitewe nuko byari biteganyijwe ko igomba gutangira mu kwezi kwa 2 tariki ya 5 mu mwaka wa 2023.

Amakuru YEGOB yamenye avuga ko nyuma yisuzuma FERWAFA yakoze ikabona ko shampiyona igarutse mu kwezi kwa 2 byaba ari kera, yagaruye imbere itariki shampiyona izongera kugarukira ho, yemeza tariki ya 21 Mutarama 2023.

Icyateye guhinduka kw’aya matariki ni uko ikipe y’igihugu y’u Rwanda nta mikino mpuzamahanga ifite muri iyi minsi cyane ko ikipe y’igihugu y’u Rwanda Amavubi y’abakina imbere mu gihugu batabonye itike yerekeza mu gikombe cy’Afurika ndetse n’ikipe nkuru ikaba ifite imikino mu kwezi kwa 3.