M.Ben
Ikipe y’igihugu ya Cameroon yihereranye ikipe y’igihugu ya Gambia iyitera ibitego bibiri ku busa.
Wari umukino wa 1/4 mu gikombe cya Afurika kiri kubera mu gihugu cya Cameroon.
Umukino watangiye saa kumi n’ebyiri zuzuye (18h00), amakipe yombi yaje ashaka kureba ko yabona itike ya kimwe cya kabiri (1/2).
Ikipe y’igihugu ya Cameroon yari iri imbere y’abafana yatingiye irusha ikipe y’igihugu ya Gambia.
Uko iminota yagendaga yicuma niko ikipe y’igihugu ya Gambia yari iri gukinira inyuma cyane, Cameron yakomeje kuyataka ariko igitego kiramga kirabura.
Ku munota wa 29, umukinnyi wa Cameroon witwa Fai Collins yateye ishuti rikomeye ariko umupira uca ku ruhande.
Ku munota wa 35, Vincent Abubakal yateye umutwe gusa ariko umuzamu wa Gambia akora akazi gakomeye.
Ikipe ya Cameroon yakomeje kurusha ikipe ya Gambia yari iri gukinira inyuma gusa ariko igitego kiramga kirabura.
Iminota 45 y’igice cya mbere yaje kurangira amakipe yombi anganya ubusa ku busa.
Nyuma y’iminota 15 y’akaruhuko amakipe yombi yagarutse mu kibuga.
Nk’uko igice cya mbere cyari cyarangiye Cameron yagarutse iri hejuru ya Gambia yakiniraga inyuma.
Ku munota wa 50, ikipe y’igihugu ya Cameroon yabonye igitego cya mbere yatsinzwe na Karl Toko Ekambi.
Ku munota wa 57, Karl Toko Ekambi yongeye guterekamo ikindi gitego cya kabiri cya Cameroon.
Gambia nyuma yo gutsindwa ibitego bibiri yaje gufungura itangira gukina isatira izamu rya Cameron.
Cameron yari ifite ibitego byayo bibiri ntago yatuje ngo ijye kuryama mu izamu ahubwo yakomeje gushaka ibindi bitego.
Ku munota wa 86, Kapiteni wa Cameroon Vincent Aboudul yaje kurata igitego ari wenyine imbere y’izamu.
Iminota 90 yagenwe n’amategeko yaje kurangira ikipe y’igihugu ya Cameroon ikiri imbere n’ibitego bibiri ku busa bwa Gambia.
Cameron yahise ikatisha itike ya kimwe cya kabiri itegereje kureba irokoka hagati ya Tunisia na Burkina Faso.
Abakinnyi 11 babanjemo ku mpande zombi
