Umuhanzikazi Rachel Uwase afite ibyuyumviro bidasanzwe nyuma yo gushyize hanze indirimbo ye ya mbere yise “Ndakwizera” indirimbo yo kuramya no guhimbaza Imana.
Uyu muhanzikazi ukomoka mu karere ka Rwamagana mu ntara y’ibirasirazuba asanzwe aririmba muri korali ndetse asanzwe anafasha mu ndirimbo abahanzi bamwe na bamwe baririmba indirimbo zo kuramya no guhimbaza.
Mu kiganiro yahaye YegoB, Rachel yavuze ko yishimira kuba indirimbo ye iri kugenda ukundwa kuva yasohoka ndetse ko ibyo biri kumutera imbaraga bitewe nuko hanze aha barikwakira neza indirimbo ye ya mbere.
![](https://yegob.rw/wp-content/uploads/2024/07/DSC_0025-scaled.jpg)
Rachel Ari:”Ndishimye cyane ko indirimbo yanjye iri gukundwa kuva yasohoka ibyo biri kuntera imbaraga bitewe nuko mbona hanze aha bayishimiye kandi ari indirimbo yanjye ya mbere”.
Uyu mukobwa usanzwe afite ubuhanga mu miririmbire nko kuririmba amajwi atandukanye yaba ari kwifashisha gitari,piyano cyangwa se ntabyo iyo muganiriye akubwira ko intego ye ari ukubwiriza ubutumwa bwiza bw’Imana abinyujije mu bihangano bye.
![](https://yegob.rw/wp-content/uploads/2024/07/DSC_0032-scaled.jpg)
Nkuko bisanzwe kandi bizwi ko mu buzima bwa muntu buri wese agira uwo afatiraho urugero (role model) cyangwa se uwo akunda bitewe nuko bahuje umwuga no kuri Rachel niko bimeze nawe afite abahanzi akunda ndetse afatiraho urugero nka Niyo Bosco, Israel Mbonyi,Aline Gahongayire n’abandi,…
![](https://yegob.rw/wp-content/uploads/2024/07/DSC_0030-scaled.jpg)
![](https://yegob.rw/wp-content/uploads/2024/07/319183_SmddI0BJk01s4tQPaLumVavoqpcF_b.jpg)
Mu ndirimbo “Ndakwizera” Rachel Uwase yifashishije umuhanzi Niyo Bosco mu kuyandika,amajwi yayo akorwa na Producer Jules (Popiyeeh) usanzwe akorera Niyo Bosco na Aline Gahongayire naho amashusho yayo akorwa na Chris Eazy(Eazy films),Samy Switch na Sinta films basanzwe bazwiho gukora amashusho y’abahanzi bakomeye. Ni mu gihe kandi uwashoyemo imari (Executive producer) ari Claver Tuyishime.
![](https://yegob.rw/wp-content/uploads/2024/07/f5vbuihwwae2dad-8143801697633127.jpeg)
Kanda hano munsi kuri iyo link urebe indirimbo “Ndakwizera” ya Rachel Uwase