THIERRY Mugiraneza
Ikipe ya Rayon Sports ibinyujije mu muvugizi wayo Nkurunziza Jean Paul, yatangaje uko yakiriye icyemezo cya FERWAFA ku kibazo cy’umukino wayo n’Intare Football Club.
Mu ijoro ryakeye nibwo Ishyirahamwe ry’umupira w’amaguru mu Rwanda (FERWAFA) ryatangaje umwanzuro ku kibazo cy’umukino wo kwishyura hagati ya Rayon Sports na Intare.
FERWAFA yatangaje ko Komisiyo yayo y’Ubujurire yanzuye ko , ikipe ya Rayon Sports igomba kuzakina na Intare mu mukino wo kwishyura w’igikombe cy’Amahoro, bakazamenyesha aho umukino uzabera nyuma.
Nyuma y’iryo tangazo impande zombi zagiye zivuga uko zakiriye icyemezo. Ku ruhande rwa Rayon Sports, umuvugizi wayo Jean Paul Nkurunziza aganira n’ikinyamakuru Igihe.
Yavuze ko banejejwe n’umwanzuro FERWAFA yafashe kuko amategeko yakurikijwe ” Jean Paul yagize ati: ” Tunejejwe n’umwanzuro wa Komisiyo y’Ubujurire ya FERWAFA. Amategeko yakurikijwe akora akazi kayo”.
